Ferjehytta

Ferjehytta var ei lita vakthytte ved ferjestaden på Gullsmedmoen, på vestsida av Senumsundet, i tidlegare Hornnes kommune. Det var ferjemannen som nytta vaktbua. I dag er bygget fin restaurert og i god stand.

Bakgrunn

Allereie i 1804 vart det anlagt ein kjerreveg mellom Krossen i Hornnes og Senum for å letta ferdsla framom fossane i Otra på dette stykket. Elles nytta ferdafolk vassvegen nedanfor Fennefossen eller oppetter Byglandsfjorden. Nokre ti-år seinare vart det bygd veg mellom Kristiansand og Valle, ferdig i 1847. Mellom Evje og Storestraumen gjekk denne vegen på austsida. Då vart det trong for ei ferje over Senumsundet, for å knyta saman desse vegane på eit vis. Etter at «stasjonsbyen» Byglandsfjord vaks fram, vart ferja endå viktigare for folk på vestsida.

Kjelder

• Olav O. Uleberg, Kultursoge for Evje og Hornnes, band I, utgjeve av Evje og Hornnes bygdeboknemnd, 1990, side 239-241
• Artikkelen om Senumsferja på Setesdalswiki, skrive av Reidar Tveito, med vidare henvising til kjelder

Sjå også

• Senumsferja