Søren Nilsen Østerhus: Skilnad mellom versjonar
s Lagt til kategori "Bønder" |
s Harald Haugland flyttet siden Søren Østerhus til Søren Nilsen Østerhus uten å etterlate en omdirigering: Fleire med same namn |
(Ingen skilnad)
| |
Versjonen frå 28. januar 2016 kl. 21:44
| Søren Nilsen Østerhus | ||
|---|---|---|
| Født: | 24. juli 1872 | |
| Død: | 1949 (alder 76–77) | |
Søren Nilsen Østerhus (Søren Stiger) var fødd i Flatebygd i Evje 24. juli 1872 og døydde i 1949. Han var stiger i Flåt nikkelgruve ved sidan av å drive garden heime på Austerhus. Han var gift med Randi Østerhus.
Alt 17 år gamal fekk Søren arbeid i nikkelgruva, først som malmplukkar og malmvaskar, og så som fordrar. I 1890-1891 jobba han som fordrar ved Bamble apatitgruver, men kom tilbake til Flåt og arbeidde der som minerar fram til drifta mellombels stoppa opp i 1894.
Medan drifta låg nede, arbeidde Søren på veg- eller jernbaneanlegg. Då gruva vart opna for drift igjen i 1899, blei Søren tilsett som stiger. I mest 45 år fylgde han utviklinga i Flåt-gruva.
Søren var mykje engasjert i samfunnslivet utanfor gruva òg. Han var ein aktiv og driftig bonde med mange kyr på båsen og hestar på stallen. Han spela ei sentral rolle i den store utvinninga av feltspat som ein fekk i Evje. Han var med og skipa Norsk Feltspat Co i 1913. Då gruvedrifta i Flåt låg nede i sju år på 1920-talet, var han ein aktiv pådrivar bak den kjærkomne feltspatdrifta bygda fekk i desse åra.
Heider
- Norges Vels medalje for lang og tru teneste som stiger ved Flåt gruve
Kjelde
- Olav Arne Kleveland, Flot nikkelgruve - Evje nikkelverk, hefte utgjeve av Evje og Hornnes sogelag, 2000, s. 18-19