Olav S. Uppstad (1875)

Olav S. Uppstad (fødd 29. juli 1875, død 6. oktober 1972) var bonde og skogsarbeidar på Uppstad. Han vart fødd på ein støyl i Bjørgeheia, og døypt den 22 august same år. Foreldra hans var Ingebjørg E Uppstad og Saavi O Uppstad.

Olav S Uppstad vart konfirmert den 20 april 1890 då han var 14 1/2 år, og han budde då på Uppstad.

Olav budde på Uppstad på Plassen under folketeljingane i 1900 og 1910 saman med foreldra sine. I 1900 var han "tjenestegut" og "sysselsatt ved landbruksarbeide", og i 1910 var han "søn/gårdsarbeider"

Eit vekeblad intervjua han og nokre til frå Uppstad om då han arbeidde med å frakte tømmer i Otra, og ein spesiell episode var då han vart dregen med nokre tømmerstokker som sigla nedover Kåvenes. Av rein flaks så datt han ned i ei grop og såg alle stokkene over seg. Far hans ville prøve å berge han, men han heldt seg tilbake, og dermed endte det godt.

Han gifte seg med Jorånd H Uppstad (1889-1981).

Dei fekk barna Såvi O. Uppstad (1913-2010) og Ingebjørg Berg(1917).

Familien budde på Plassen og rydda mykje ny dyrka mark.

Knut F Uppstad laga eit dikt om Olav S Uppstad til 80-årsdagen. Han sa seinare at han hadde venta med å skrive diktet til seinare hvis han hadde visst at Olav vart så gamal som han vart.

Olav S Uppstad døydde den 6 oktober 1972, vel 97 år gamal. Han vart gravlagt på Hylestad kyrkjegard ved den gravsteinen som står der.

Kyrkjebokoppføringer

Fødsel/dåp 1875: Klokkarbok for Valle / Hylestad 1848 - 1875 , blad 045, linje 14

Konfirmasjon 1890: Klokkarbok for Valle / Hylestad 1875 - 1921 , blad 106, linje 10

Folketeljinger

1900: Digitalarkivet

1910: Digitalarkivet