Valle kulturkommune

Valle kommune var svært aktiv på kulturfronten frå slutten av 1980-talet. Det var vanlege kulturprogram, kunstutstillingar, Gjesting frå utlandet: musikk, kor og orkester, vanlegvis fast kvar sommar. Kultursommar i Setesdal var samletittel på mange tema: flygeblad på 4 språk om kva kulturtilbod det var i dalen dag for dag, time for time. Det vart oppdatert 3 - 4 gongerom ssomrane og spreidde utover dalen på turistkontor, campingplassar, hotell osb. Folketonefestivalen var fast kvar sommar nokre år. Litteraturdagane i Setesdal var svært populære, og drog til seg litterært interesserte menneske frå inn- og utland. Foredraga vart utgjevne i bokform etter kvart seminar unnateke eitt. Storstilte kunstutstillingar, ein gong med religiøs kunst i Soknehuset sine to høgder og med salmekurs med sjølvaste Svein Ellingsen som lærar!

Det vart utnemnt kommunar til fylkesdkulturkommune, og dei ulike kommunane måtte sende grunngjevne framlegg til ei nemnd på fylket som skulle stå for utdelinga av evt. heider. Valle kommune vart årets fylkeskulturkommune i 1992. Det synlege provet var eit relieff av Arne Vinje Gunnerud og eit diplom. Representantar frå fylket kom og overrekte merksemda i ei festsamkome i høve utmerkinga.

Dei ulike fylkeskulturkommunane vart då kandidatar til Årets kulturkommune for heile landet. Valle vart då representant for Aust-Agder, og kulturkonsulent Ånund K Homme stilte opp i setesdalsbunad på Hotel Continental i Oslo, der Gunnar Berge delte ut 1992-prisen til Larvik kommune. Valle og Volda fekk delt 2.-plass og diplom som prov.