Knut Olav Daasvatn

Knut Olav Daasvatn
Født:	6. november 1969 (56 år)

Knut Olav Daasvatn (fødd 6. november 1969) er seniorkonsulent ved Molekylærbiologisk institutt ved Universitetet i Bergen. Han er utdanna biokjemikar. Han vaks opp i Hornnes, og er son til Arne Daasvatn og Gerd Herborg Mæsel Daasvatn.

Sidan 1998 har han hatt ulike administrative stillingar ved Universitetet. Før han gjekk over i administrativt arbeid, dreiv han med forsking. Han har publisert fleire vitskaplege artiklar.

Knut Olav hadde lenge hatt skrivetrong. I godt vaksen alder, i 2007, skreiv han sitt første dikt. Frå 2009 har han vore fast bidragsytar til tidsskriftet Kraftverk, som Bergen kommune gjev ut. Han er med i Kammerpoetane, eit ensamble av poetar og musikarar, som nokre gonger i året møtast for å halde konsert med eigen musikk og eigen poesi. Han har også nytta Dagbladet sitt Diktkammer som verkstad og møtestad med andre poetar. I april 2012 og mai 2013 var han «Månadens diktar» i Dagbladet. I 2011 og 2012 hadde han fleire dikt i Jol i Setesdal.

Kjelder

• Profilen til Knut Olav Daasvatn på nettsida til Universitetet i Bergen
• Omtale av Knut Olav Daasvatn på heimesida til Kammerpoetane

Eksterne lenker

• Biologen som gjorde poet av seg, artikkel i Dagbladet.no om Knut Olav Daasvatn då han var «Månadens diktar» i 2012
• Mennesker brettes som papir i Knut Olavs vinnerdikt, artikkel i Dagbladet.no om Knut Olav Daasvatn då han var «Månadens diktar» i 2013