Hornnes barnehage

Hornnes barnehage.

Foto: Geir Daasvatn

Hornnes barnehage held til i eit nybygg like ved Hornnes barneskule på Hornnes. Barnehagen har tre avdelingar og plass til om lag 45 barn. Dei yngste, opp til tre år, held til i avdeling Ekorn med ni plassar, barn opp til fire år held til i avdeling Rev med 18 plassar og dei eldste er i avdeling Grevling, som og har 18 plassar. Alle avdelingane har preg av naturen som rammar inn nybygget, roma er ljose, luftige og praktiske. Ein har eigne rom for å sove, temarom, kjøkken og garderobe.

Bygningen

Bygningen, som var ferdig i januar 2007, kosta 15 millionar. Arbeidet med å bygge det nye bygget til barnehagen tok til i september 2005. Dei 800 kvadratmetrane inneheld også eige rom for SFO, møterom og andre rom for dei tilsette. Ei rekke firmaer hadde arbeid med å ferdigstille Hornnes barnehage i 2005:

• Evje Bygg var totalentreprenør
• Bademiljø Ragnar Aas utførte sanitær og varmeinstallasjonane
• Evje Elektriske utførte elektriske installasjonar
• G. Myklebostad Maskiner utførte grunnarbeidet
• Sønnico Lyngdal hadde ventilasjonsarbeidet
• Ramse's Malerservice, Vennesla, malte og la golvbelegg
• Uldal Birkeland leverte vindu
• Tore Andersen, Nedenes, leverte aluminiums dørparti

Kjelder

• Ole Birger Lien: Praktbygg til 15 mill. kr teke i bruk. Artikkel i Setesdølen nr. 11, 2007 side 8 og 9

Eksterne lenker

• Hornnes barnehage hos Evje og Hornnes kommune