Sjå kjelda til Valle kulturkommune

'''Valle kulturkommune''' er eit omgrep som viser tilbake til ein periode då kommunen var svært aktiv på kulturfronten. Det starta på slutten av 1980-talet. Det var vanlege kulturprogram, kunstutstillingar, Gjesting frå utlandet: musikk, kor og orkester, vanlegvis fast kvar sommar. 

[[Kultursommar i Setesdal]] var samletittel på mange tema: 
# Flygeblad på 4 språk om kva kulturtilbod det var i dalen dag for dag, time for time. Det vart oppdatert 3 - 4 gonger om somrane og spreidde utover dalen på turistkontor, campingplassar, hotell osb.
# Folketonefestivalen var fast kvar sommar nokre år. 
# Litteraturdagane i Setesdal var svært populære, og drog til seg litterært interesserte menneske frå inn- og utland. Foredraga vart utgjevne i bokform etter kvart seminar unnateke eitt. 
# Sørlandsutstillinga fekk vi to gonger til Valle kommune, siste gongen med juryering og vernissage. Det var fyrste gongen utstillinga vart vist utanom byane.
# Storstilte kunstutstillingar, ein gong med religiøs kunst i Soknehuset sine to høgder og med salmekurs med sjølvaste Svein Ellingsen som lærar!
# Valle musikkskule, seinare kulturskule hadde vind i segla med dyktige lærarar og instruktørar. Vi hadde ei stund over 700 elevar, dvs. annankvar innbyggjar var elev.
# Mange store oppsetjingar, revyar, songspel/musikalar vart framførde i lokalsamfunnet og i grannekommunane.
# Folkemusikk og -dans var in, gjennom spelemannslaget, musikkskulen, folkeakademiet eller andre lag og organisasjonar.
# Bygdekinoen kom regelmessig.
# Det same galdt Rikskonsertane og
# Riksteatret.
# Sport og idrott var utbereidde syslar både sommar og vinter.
# Kulturmønstringe etter skuleslutt på Valle skule vart flutt til rundt olsok og
# Tveitestemna var årviss med mykje underhaldning og kulturinnslag.
# Valle kommunes kulturpris vart utdelt på Tveitestemna annankvart år.
# [[Valleutstillinga]] i [[Tveitetunet]] med mykje kunst og handverk var open frå omlag jonsok til skulane tok til att. Det var mykje turistar og bygdefolk innom om somrane for å sjå på kunst eller sjå demonstrasjon av gamle handverksteknikkar, folkedans og folkeviseleik, kjøpe seg tradisjonsmat og/eller kose seg på den gamle lensmannsgarden etter eidsvollsmannen [[Olav Knutsson Tveiten]]. Garden  høyrer no til [[Setesdalsmuseet]].
# Det vart utnemnt kommunar til fylkeskulturkommune, og dei ulike kommunane i fylket måtte sende grunngjevne framlegg til ei nemnd på fylket som skulle stå for utdelinga av evt. heider. Valle kommune vart årets fylkeskulturkommune i 1992. Det synlege provet var eit bronserelieff av [[Arne Vinje Gunnerud]] og eit diplom. Representantar frå fylket kom og overrekte merksemda i ei festsamkome i høve utmerkinga.
# Dei ulike fylkeskulturkommunane vart då kandidatar til Årets kulturkommune for heile landet. Valle vart då representant for Aust-Agder, og kulturkonsulent [[Ånund K. Homme]] stilte opp i setesdalsbunad på Hotel Continental i Oslo, der Gunnar Berge delte ut 1992-prisen til Larvik kommune. Valle og Volda fekk delt 2.-plass og diplom som prov.


[[Kategori:Valle]]