Sjå kjelda til Flåt gruve kontor I (1880)

[[Fil:Flåt gruve Evje første kontorbygg 1880 190817-2.jpg|miniatyr|høyre|Det gamle kontoret slik bygget ser ut i dag. {{Byline|[[Geir Daasvatn]]}}]]
'''Flåt gruve kontor I''' var det eldste kontoret ved [[Flåt nikkelgruve]] i [[Evje]]. Bygget var ei husmannsstove frå [[Åvesland]] som blei flytta til gruva i 1880.  Her var også lønningsbu. Det var ei luke for utbetaling av lønning. «Her måtte karane stille på rekke, frå vindauget og bakover i skogen. I skogkanten var der også gjerne nokre kvinner som stod klare til å springe fram og sikre pengar til mat og klede for seg og barna, før mannen rokk å spele bort pengane i kort i [[Raudækrasvingen]]», skriv [[Sigmund Monen]] i storverket sitt om gruvedrifta i Setesdal.<ref>Sigmund Monen, ''[[Flåt nikkelgruver og bygda. Arbeidarhistorie]]'', utgjeve av Evje og Hornnes kommune, 2016, side 64–66</ref>

Det kom nytt kontor ved gruva i 1902/1903. Frå ca. 1910 fekk [[Tørres Tørresen]] det gamle kontoret til smie. Han blei seinare smed på [[Evje nikkelverk]], og det gamle kontoret blei då karbidbu. Dei oppbevarte karbiden til dei nye karbidlampane her.  

Bygningen står framleis på staden. Bua er svart innvendig, etter åra ho var i bruk som smie. Saman med [[Ringeriksbua]] og [[Flåt gruve steinsilo (1937)|steinsiloen]] er dette det einaste bygget som er teke vare på i det gamle gruveområdet.    

== Referansar ==
<references/>

[[Kategori:Kulturminner i Evje og Hornnes]]
[[Kategori:Bygninger i Evje og Hornnes]]
[[Kategori:Flåt nikkelgruve]]
[[Kategori:Evje]]