Sjå kjelda til Bjørgum

'''Bjørgum''' er ein gard (gnr. 67) i [[Hylestad]], på austsida av [[Otra]], i [[Valle kommune]]. Nabogardar i nord og aust er [[Hovet]] og [[Haugen (Valle gnr. 66)|Haugen]]. I sør ligg [[Straume]]. I vest skil Otra Bjørgum frå [[Rysstad]]. Busetnaden ligg på ei slette nede ved elva. «Bak» (nord-aust for) husa stig [[Husefjell (Bjørgum)|Husefjell]] bratt opp. Aust for dei fire gamle hovudbruka kjem [[Bjørgåni]] ned frå heia og renn ut i Otra i [[Bjørgevje]]. På sørsida av Bjørgåni og litt for seg sjølv ligg [[Kåsland]], heimen til [[Hallvard T. Bjørgum]].

[[Fylkesveg 332]] tek til frå [[Riksveg 9]] på [[Nomeland (Valle gnr. 64)|Nomeland]] og går over Otra på Skagebrua forbi Hovet og Haugen fram til Bjørgum. Lokalt på Bjørgum heiter vegen [[Bjørgevegen]].

[[Bjørgum kraftverk]] ligg på Bjørgum.

== Historie ==
Bjørgum må omfatte delar av den no bortkomne garden [[Hylje]], som i si tid har gitt namn til heile soknet Hylestad.<ref>[[Leonhard Jansen]] og Alfred Ryningen, ''[[Valle kommune VII, Kultursoge 1]]'', utgjeve av Valle kommune, 1994, side 39</ref> Sjølve namnet ''Bjørgum'' peikar i retning av ein viss alder. I omtalen av garden i gards- og ættesoga for Hylestad held [[Alfred Ryningen]] det for sannsynleg at garden blei skild ut som eiga eining ei stund før [[:no:Svartedauden|Svartedauden]] (1350). Det er gjort arkeologiske funn frå [[:lokhist:Folkevandringstida|folkevandringstida]] (ca 400-600 e.Kr.) og gravfunn (sverd) frå rundt 900 e.Kr. på garden.

Det stod ei [[Stavkyrkja Bjørgum|stavkyrkje]] på Bjørgum til 1664. Frå denne stavkyrkja stammar dei kjende [[Hylestadportalane]]. Etter stavkyrkja vart det bygd ei langkyrkje, som stod til 1838.<ref>Alfred Ryningen, ''[[Valle kommune II Gards- og ættesoge Hylestad]]'', utgjeve av Valle kommune, 1985, side 7-12</ref> <ref>Leonhard Jansen og Alfred Ryningen, ''Kultursoge 1'', side 84-96</ref>

== Kjelder ==
*[[Alfred Ryningen]], ''[[Valle kommune II Gards- og ættesoge Hylestad]]'', utgjeve av Valle kommune, 1985, side 13-74
*[http://www.seeiendom.no/ Kart på nettsida til Statens Kartverk]

== Referansar ==
<references/>

== Kart ==
{{#display_map: 59.10221856463375,7.532415390014648~Bjørgum Hylestad}}

[[Kategori:Garder i Valle]]