Kurv
Kurv eller korv er ein matrett frå Setesdal. Den er basert på innmat, og innmat frå eitt lam gir to til tre liter kurv. Det er mykje arbeid å lage kurv, så den er ikkje så mykje brukt lenger, men på Ose Matmarknad kan ein kjøpe retten. I boka Rune & Margit & Moi har dei teke med ei oppskrift. Den er litt annleis enn oppskrifta frå Anlaug Mosdøl som vart brukt i TV-programmet Fjellmat, ho brukte også tre spiseskeier kveitemjøl.
Ingrediensar
- 1 hjarte
- 2 lunger
- 1 lever
- 2 nyrer
- ½ kg fett
- 1 liter blod
- 15 gram salt
Framgangsmåte
- Vatne ut hjarte, lunger, lever og nyrer i to døgn. Skift vatn morgon og kveld.
- Kok lungene i ti minutt og skjær vekk dei grove gangane
- Skjær vekk dei grove hinnene på lever og nyrer og dei grove gangane i nyrene. Desse vert ikkje kokte
- Mal all innmaten og fettet i kjøkkenkvern. Ha det så i ein bolle og bland i blod og salt.
Steik kurv i steikepanne på svak varme i om lag 30 minutt eller kok i ein kokepose i vannbad ein time eller meir, avhengig av mengden ein kokar. Server med kokte poteter eller komler. Retten kan frysast rå i porsjonspakkar.
Kjelder
- Om Kurv i boka Rune & Margit & Moi side 91