Nomeland (Valle gnr 47 bnr 33)
.jpg)
Nomeland (Valle gnr. 47 bnr. 33) er ein ca 13 mål stor eigedom på Nomeland på vestsida av Otra, vest for Valle sentrum. Huset på eigedomen var tidlegare våningshuset på eit gamalt gardsbruk. I dag er det restaurert, og i bruk under namnet «Nomelandshus» som utleigelokale til turistar, selskapslokale og konsertlokale. Det er også eit stabbur og ein låve på eigedomen.
Eigar er Olav Nomeland, som er busett i Oslo.
Historie
Den eldste delen av våningshuset skal vere bygd på slutten av 1600-talet, ein nyare del rundt 1820. I 1967 tok den ordinære gardsdrifta slutt. Husa blei fråflytta i 1993. I 2004 blei eit 13 mål stort areal med husa og det gamle kulturbeitet skild ut frå den opphavelege garden, og fekk nytt bnr. 33. Våningshuset og stabburet blei restaurert, og det kom eit tilbygg bak huset. Eigedomen blei teke i bruk til overnatting for turistar, festlokale og konsertar.