Øygardsvegen
Foto: Geir Daasvatn
Øygardsvegen (veg nr. 75) er ein liten hytteveg på garden Raudstøl rett sør for Gautestad nord-aust i Evje og Hornnes. Han startar ved Fylkesveg 306 (Gautestadvegen) ved Hylane i den sør-austre enden av Høvringsvatn, og går nordover i terrenget ca 500 meter. På begge sider av vegen ligg det fritidsbustader. Rett vest for vegen ligg Øygardslitjørn. Vegen er stengd med bom.
Kjelder
- Kart, GISLINE Webinnsyn Setesdal
- Vedtak om vegnamn i Evje og Hornnes kommunestyre, dagsett 24. oktober 2013