Sjå kjelda til Minnesteinen ved Flåt gruve

[[Fil:Minnesteinen Flåt gruve 290914.jpg|miniatyr|Minnesteinen ved Flåt gruve. {{Byline|[[Geir Daasvatn]]}}]]
'''Minnesteinen ved Flåt gruve''' er reist til minne om dei som omkom i arbeidsulukker i [[Flåt nikkelgruve]] og [[Evje nikkelverk]] 1872–1946. Då minnesteinen blei reist, trudde ein at i alt 18 menn hadde sett livet til i desse ulukkene. Men under arbeidet med sitt store verk om gruvedrifta i Setesdal fann [[Sigmund Monen]] fram til eitt namn til, [[Isak Jonassen]]. Han vart skada i ei ulykke [[15. juli 1904]], og døydde på sjukehuset i Kristiansand eit par dagar seinare. Namnet til Isak Jonassen vil difor truleg så snart som råd bli sett inn på minnesteinen.<ref>[[Sigmund Monen]], ''[[Flåt nikkelgruver og bygda. Arbeidarhistorie]]'', utgjeve av Evje og Hornnes kommune, 2016, side 49</ref> 

Det er [[Evje og Hornnes Sogelag]] som har reist steinen. Det er ein enkel stein ut av fjellet dei arbeidde i. Han er plassert innmed den gamle gråsteinstippen, som i dag er eit av dei siste handfaste minna om det slit som ein gong var. 

Minnesteinen vart avduka ved ei høgtideleg tilstelning sundag [[9. september 2001]]. Det var ei gripande høgtidsstund. 350 menneske var møtt fram. Leiar i sogelaget på den tid, [[Bernt Gautestad]], heldt tale. [[Tormod Kjebekk]] tok duken bort frå minnesteinen. Tormod er son til den siste som omkom i gruva, [[Olav E. Kjebekk]]. Etter avdukinga la den siste attlevande ektefellen til nokon av dei omkomne, [[Tordis Kjetså]], ned blomekrans ved bautaen. Tordis var gift med [[Tellef Nilsen Håkedal]]. Han omkom [[17. oktober 1940]]. Dotter til Tordis Kjetså, Nora Andersen, gav blomar til leiaren av sogelaget som takk frå slektningane til dei omkomne, for arbeidet med å reise minnesteinen. Ordførar [[Bjørn Ropstad]] i [[Evje og Hornnes kommune]] var tilstades. Kommunen hadde teke på seg ansvaret for framtidig vedlikehald av steinen. Bernt Gautestad takka ordføraren for dette, og overlot ansvaret for steinen til kommunen.

==Dei omkomne==
*[[Torjus Nilsen]]
*[[Isak Jonassen]]
*[[Ole T. Nordbø]]
*[[Eivind Aasmundsen Landstveit]]
*[[Petter Kraft]]
*[[Tarald Jensen Frigstad]]
*[[Jacob Rosef]]
*[[Bernt Olsen Varmebrokk]]
*[[Per Sahlin]]
*[[Johan August Olsen]]
*[[Gunder A. Lien]]
*[[Anders Elof Kjärrmann]]
*[[Jens Georg Oskar Grosås]]
*[[Anders Olsen Senum]]
*[[Nils Mørk Nicolaysen]]
*[[Erling Olaus Grosås]]
*[[Sverre Gullesen]]
*[[Tellef Nilsen Håkedal]]
*[[Olav E. Kjebekk]]

==Kjelder==
*[[Olav Arne Kleveland]], ''Avduking av minnesteinen'', artikkel i [[Arnstein]], årsskrift for [[Evje og Hornnes Sogelag]], 2001, s. 6
*[[Bernt Gautestad]], ''Tale ved avdukinga'', trykt i Arnstein, årsskrift for Evje og Hornnes Sogelag, 2001, s. 8–9

== Referansar ==
<references/>

[[Kategori:Flåt nikkelgruve]]
[[Kategori:Kulturminner i Evje og Hornnes]]
[[Kategori:Bautaer]]
[[Kategori:Evje]]