Sjå kjelda til Guro Håvestøl

{{Person | bilde = | bildetekst = | fdag = 6 | fmåned = 5 | får = 1865 | ddag = | dmåned = | dår = 1951}}'''Guro Håvestøl''' (fødd 6. mai 1865 i [[Grendi]], død 1951 på [[Uleberg]]) var tenestejente og brukar av [[Engen (Evje og Hornnes gnr. 9 bnr. 6)|Engen]] på Uleberg i [[Hornnes]] siste delen av livet. 

Etter konfirmasjonen var Guro først tenestejente i [[Skjeggedal]] i [[Tovdal]]. Ho var gjetar på [[Liestøl (Åseral gnr. 21)|Liestøl]] i [[Åseral]] i tre år, og hadde vanleg teneste på ulike gardar. Ho gifta seg med [[Olav Olavsson Vetrhus]] (f. ca. 1832, d. 1893) i [[Hornnes]] i 1878, då ho var 23 år gamal. Dei busette seg då på gardsbruket [[Øvrejordet (Åseral gnr. 15 bnr. 2)|Øvrejordet]] på [[Håvestøl]] i Åseral. Men alt 15 år seinare, i 1893, døydde han. Guro sat då att med tre born som enda ikkje var konfirmerte. Dei vart bortsette i [[Åseral]]. Guro kunne ikkje klare å drive bruket sjølv, og tok seg teneste på ein gard i Kyrkjebygda. Ho fekk seg etter kvart teneste i Hornnes, og klarte å samle borna kring seg att. Ho leigde ulike gardar, og dreiv dei saman med dottera [[Torborg Håvestøl]]. Dei siste åra av livet, frå 1923 til 1951 var ho og Torborg på Engen i Hornnes. Dei dreiv gardsbruket med opptil sju kyr. Dei hadde også ein saueflokk. Dei hausta aleine og henta i tillegg høy frå heia. Ved sida av drifta av gardsbruket, spann og spyta dei sokkar og vottar som dei selde.  

Ved sida av Torborg hadde Guro sonen Olav (f. 1890) og dottera Ingeborg (f. 1889). Ingeborg døydde i «spanskesjuka» i 1918. Olav drog til Amerika alt i 19-årsalderen, og slo seg opp der borte.  

== Kjelder ==
*[[Vidar Lande]], ''[[Mellom aust og vest. Folkemusikk i Evje og Hornnes]]'', utgjeve av Vidar Lande i samarbeid med [[Evje og Hornnes Sogelag]], 2024, side 282–286
*[[Tarjei Liestøl]], ''[[Åseral Gard og Ætt]], bind I, utgjeve av [[Åseral bygdesogenemnd]], 1976, side 518–519

{{DEFAULTSORT:Håvestøl, Guro}}
[[Kategori:Fødsler i 1865]]
[[Kategori:Dødsfall i 1951]]
[[Kategori:Døde personer fra Evje og Hornnes kommune]]
[[Kategori:Bønder]]