Sjå kjelda til Ola G. Lauvland

{{Person | bilde = | bildetekst = | fdag = 10| fmåned =  7| får = 1839 | ddag = 11| dmåned = 6| dår = 1893}}'''Ola Gunnarson Lauvland''' (fødd 1838, død 1893) var bonde på [[Lauvland]] i [[Evje]] og ordførar i [[Evje kommune]] 1882-1893. Han var eldstemann i ein syskjenflokk på sju. Mellom desse var [[Jørgen Løvland]]. Ola Gunnarson var gift med [[Kari Johnsdotter Lauvland]] (fødd Rosseland]]. Kari døydde i 1873, to dagar etter å ha fødd sonen [[Gunnar O. Lauvland (1873)|Gunnar]]. Ho blei bare 28 år gamal.  

Ola G. Lauvland var ikkje «seminarist» som dei fire yngre brødrene sine. I staden tufta han meiningane sine og skjønet sitt på eigne livserfaringar. [[Olav Arne Kleveland]] nemner Lauvland som ein klårtenkt samfunnspolitikar og samfunnsreformator. Han kom til å sette djupe merke etter seg den tida han var ordførar. Han arbeidde spesielt for at bygda skulle få høvelege vegar og skulehus. Det var i hans tid som ordførar at den nye [[Evje kyrkje]] vart bygd. Som ordførar sat han også i fylkestinget. Her var han formann i vegnemda og medlem i jernbanenemda. I 1888 møtte Ola G. Lauvland på Stortinget, som varamann for [[Lars Liestøl]]. Broren Jørgen sat også på Stortinget då.   

Garden heime på Lauvland overtok Ola G. Lauvland etter foreldrene i 1885. Han skal ha vore ein arbeidssom og dugande gardbrukar. Då [[Evje og Hornnes Sparebank]] vart skipa i 1864 var Lauvland den første kasseraren. Han stod i dette vervet til han døydde i 1893. 

Frå 1888, då han møtte på Stortinget, tykkjest Lauvland å bli oppteken av språkbruk og oppglødd for målsaka. Fram til då hadde han skrive namnet sitt Ole G. Løvland. Det endra han no altså til Ola. G. Lauvland.

== Kjelder ==
*[[Olav O. Uleberg]] og [[Olav Arne Kleveland]], ''[[Kultursoge for Evje og Hornnes]]'', band II, utgjeve av [[Evje og Hornnes bygdeboknemd]], 2003, s. 292-293
*[[Ellen Miøen Sæther]], ''[[Lauvland - Fra nybrott til fritidsbruk]]'', utgjeve av [[Evje og Hornnes Sogelag]], 2013, s. 59-63

{{DEFAULTSORT:Lauvland, Ola G.}}
[[Kategori:Fødsler i 1838]]
[[Kategori:Dødsfall i 1893]]
[[Kategori:Personer fra Evje og Hornnes kommune]]
[[Kategori:Ordførere i Evje]]
[[Kategori:Bønder]]
[[Kategori:Stortingsrepresentanter]]