Eg er framleis i modus fr\u00e5 \u00e5rsm\u00f8tet, for n\u00e5r radiofolk kjem saman og snakkar, dukkar det opp idear ein ikkje har tenkt f\u00f8r. Av og til kan ein lure p\u00e5 kor dei kjem fr\u00e5, men tankane har sine eigne vegar, basert p\u00e5 idear som kan ligge langt bak i hovudet og som kjem av erfaringar dei som snakkar saman kan ha.<\/p>\n
Sj\u00f8lv har eg etter kvart ganske lang erfaring som l\u00e6rar for vaksne utlendingar som skal l\u00e6re norsk. For ein del \u00e5r sidan tok eg tilleggsutdanning i norsk som andrespr\u00e5k, og d\u00e5 las eg ein del om minoritetsspr\u00e5klege, om korleis det er viktig for dei \u00e5 ta vare p\u00e5 spr\u00e5ket sitt sj\u00f8lv om dei bur i eit nytt land og l\u00e6rer seg eit nytt spr\u00e5k. Nordmenn som emigrerte, heldt p\u00e5 norsk ikkje bare i den generasjonen som reiste til USA, me synest det er sjarmerande n\u00e5r etterkomarane kjem p\u00e5 bes\u00f8k til gamlelandet og framleis kan forst\u00e5 litt av besteforeldrene sitt morsm\u00e5l.<\/p>\n
I dei siste \u00e5ra har det kome mange burmesiske flykningar til heile Setesdal. Dei har hatt eit sterkt fokus p\u00e5 \u00e5 l\u00e6re seg norsk, men av og til har eg lurt p\u00e5 korleis dei held kontakten med heimland og andre burmesarar. Den g\u00e5r jo ikkje p\u00e5 norsk, men dei nyttar sosiale medier og telefon, etter det eg skj\u00f8nar. I Oslo hadde dei til og med ein radiostasjon som sendte p\u00e5 burmesisk til heimlandet, Democratic Voice of Burma. Den pakka saman og flytta til Thailand i november, dei h\u00e5par etter kvart \u00e5 kunne flytte stasjonen inn i landet, men s\u00e5 langt er dei ikkje komne enno.<\/p>\n
Kan hende var dette bakgrunnen for at eg kasta fram tanken om at Valle Radio kunne tilby ein halv time radio p\u00e5 burmesisk spr\u00e5k der dei flyktningane som har etablert seg i Setesdal kunne f\u00e5 h\u00f8yre spr\u00e5ket fr\u00e5 heimlandet i eteren. I Valle bur det karenarar og chin, kva morsm\u00e5l dei som bur elles i dalen har, veit eg ikkje, men burmesisk er fellesspr\u00e5ket deira, og dei byter ofte mellom morsm\u00e5l og statleg spr\u00e5k n\u00e5r dei snakkar saman.<\/p>\n
Etter mi meining hadde det vore ei spennande vidareutvikling av Valle Radio.<\/p>\n","protected":false},"excerpt":{"rendered":"
Eg er framleis i modus fr\u00e5 \u00e5rsm\u00f8tet, for n\u00e5r radiofolk kjem saman og snakkar, dukkar det opp idear ein ikkje har tenkt f\u00f8r. Av og til kan ein lure p\u00e5 kor dei kjem fr\u00e5, men tankane har sine eigne vegar, basert p\u00e5 idear som kan ligge langt bak i hovudet og som kjem av erfaringar … Les meir om Fleirkulturell profil<\/span>