Den nye biskopen i Agder og Telemark, Stein Reinertsen, er p\u00e5 tur rundt i prostia for \u00e5 m\u00f8te tilsette i kyrkja. Sist veke var han i Otredal, d\u00e5 m\u00f8tte han kyrkja sine folk i Bygland og hadde gudsteneste der onsdagskvelden. I kveld var han i Mandal, det var jo her han var prost f\u00f8r han vart biskop, s\u00e5 her kjente han folka. I staden for \u00e5 ha ei bli-kjent-gudsteneste, kopla han det saman med ei jazz-messe han hadde planlagt saman med Mandal Kantori.<\/p>\n
Det vart ei fin oppleving, prestane i prostiet medverka i gudstenesta saman med kantoriet, og det var jublande salmesang fr\u00e5 ein stor kyrkjelyd. Eg kan ikkje skrive fullsett, for kyrkja tek 1200, men godt med folk var det. Biskopen si preike var av typen ein hugsar, temaet var det same som overskrifta her: Love All, Serve All.<\/p>\n
Grunnen til at ein hugsar det, var kanskje at han kopla det til Hard Rock Cafe, det er mottoet deira, og den som har vore p\u00e5 ein slik kaf\u00e9 ein stad i verda, hugsar opplevinga. Som regel f\u00e5r ein god mat, og ein f\u00e5r i alle fall h\u00f8g musikk. Sj\u00f8lv har eg vore med elevar fr\u00e5 Valle p\u00e5 Hard Rock Cafe i London, det var den skuleturen d\u00e5 vi kom for seint til flyet d\u00e5 vi skulle heim att og m\u00e5tte tilbringe natta p\u00e5 Heathrow.<\/p>\n
Men eg hadde ikkje f\u00e5tt med meg slagordet til kafeen, det var nytt for meg. D\u00e5 eg kom heim i kveld, m\u00e5tte eg sl\u00e5 det opp p\u00e5 Internett, og der stod det. Biskopen kopla det til Jesu gjerning, han elska verda slik at han gav og oppfordra kyrkjelyden til \u00e5 fylgje eksempelet som vart sett av han som vi minnest i fastetid fram mot p\u00e5skens dramatiske hendingar.<\/p>\n","protected":false},"excerpt":{"rendered":"
Den nye biskopen i Agder og Telemark, Stein Reinertsen, er p\u00e5 tur rundt i prostia for \u00e5 m\u00f8te tilsette i kyrkja. Sist veke var han i Otredal, d\u00e5 m\u00f8tte han kyrkja sine folk i Bygland og hadde gudsteneste der onsdagskvelden. I kveld var han i Mandal, det var jo her han var prost f\u00f8r han … Les meir om Love All, Serve All<\/span>