I g\u00e5r sa eg at vi hadde tre poeng halvvegs i quiz-en, men det var nok \u00e5 overdrive litt, for det var etter seks sp\u00f8rsm\u00e5l bordet v\u00e5rt kom til tre poeng. Kva for eit krydder er fr\u00e5 gammalt av rekna som ertesuppekrydderet, det kan ein nok vanskeleg rekne med at seks mannfolk utan s\u00e6rleg kokeerfaring (trur eg) skulle kunne svare p\u00e5, sj\u00f8lv om ein av dei meinte at det kunne vere karve, for det var vanleg \u00e5 ha i suppe, trudde han. S\u00e5 vi skreiv karve og ignorerte dei som meinte det kunne vere salt, salt er ikkje rekna som krydder, tenkte vi. Men s\u00e5 var svaret timian, det hadde visst ingen i gruppa h\u00f8yrt, s\u00e5 smultringen var rimeleg fortent, trur eg nok helst. Men vel heimkomen kunne eg lese p\u00e5 krydderglasset i skuffa p\u00e5 kj\u00f8kken: Er uunnv\u00e6rlig i ertesuppen, og Reidun visste svaret utan \u00e5 tenke seg om, sj\u00f8lv om eg slett ikkje er sikker p\u00e5 at ho brukar det n\u00e5r ho lagar ertesuppe.<\/p>\n
De skulle h\u00f8yrt diskusjonen rundt bordet p\u00e5 sp\u00f8rsm\u00e5let om kva for ein blomstervekst som ein reknar kome fr\u00e5 Kypros og Syria og som er god \u00e5 gratinere. Dei meir bereiste av oss meinte det m\u00e5tte vere potet, for dei hadde f\u00e5tt nokre gode potetrettar p\u00e5 Kypros. Og dei fl\u00f8tegratinerte potetene dei serverer p\u00e5 Bykle Hotell kan gjerne f\u00e5 ein til \u00e5 tenkje slik, men dei kom fr\u00e5 Kyrvestad og var kortreiste og sj\u00f8lve potetplanten kom vel fr\u00e5 S\u00f8r-Amerika, s\u00e5 Syria og Kypros h\u00f8vde ikkje. Svaret v\u00e5rt, etter innspel fr\u00e5 Tor Kjelleberg, vart brokkoli, den h\u00f8ver godt \u00e5 gratinere og er jo ein slags blomstervekst. Men vi bomma der og, vi hadde feil farge p\u00e5 forslaget v\u00e5rt, det skulle vere blomk\u00e5l.<\/p>\n
Silda som er ein nederlandsk spesialitet, det var neste sp\u00f8rsm\u00e5l. Der var eg sikker, og dei andre hadde ikkje noko anna \u00e5 f\u00f8resl\u00e5, s\u00e5 v\u00e5rt svar vart matjes-sild, og det var rett, s\u00e5 der fekk vi det siste poenget vi kapra oss i denne konkurransen, for p\u00e5 siste sp\u00f8rsm\u00e5let hadde vi ikkje fantasi nok til \u00e5 finne svaret Bj\u00f8rn Erling ville ha. Kva for ein gr\u00f8nnsak vert brukt i ei popul\u00e6r, s\u00f8t amerikansk kake. Gunnar p\u00e5 Statoil meinte heilt klart at det m\u00e5tte vere tale om gulrot, for gulrotkake i USA er s\u00e5 god at han til og med kan ete ho til frokost, og den testen er det ikkje mange kaker som best\u00e5r. Vi andre var ikkje usamde, gulrotkake er b\u00e5de s\u00f8t og sikkert amerikansk. Men Bj\u00f8rn Erling, som begynte i bakeriet p\u00e5 Hovden d\u00e5 han var 13 \u00e5r og sikkert er st\u00f8rre ekspert enn dei fleste p\u00e5 \u00e5 lage kaker, om ikkje p\u00e5 \u00e5 ete dei, meinte at svaret skulle vere gresskar, s\u00e5 vi m\u00e5tte n\u00f8ye oss med null der og.<\/p>\n
Godt at det d\u00e5 stunda mot samling rundt middagsbordet denne torsdagskvelden og at vi etter kvart fekk anna \u00e5 snakke om utover i dei sm\u00e5 timane. Setesdalskonferansen er nettverksbygging mellom n\u00e6ringslivsfolk i Setesdal, og nettverk vart bygde mest til lyse fredagsmorgonen. <\/p>\n","protected":false},"excerpt":{"rendered":"
I g\u00e5r sa eg at vi hadde tre poeng halvvegs i quiz-en, men det var nok \u00e5 overdrive litt, for det var etter seks sp\u00f8rsm\u00e5l bordet v\u00e5rt kom til tre poeng. Kva for eit krydder er fr\u00e5 gammalt av rekna som ertesuppekrydderet, det kan ein nok vanskeleg rekne med at seks mannfolk utan s\u00e6rleg kokeerfaring … Les meir om Fleire quiz-sp\u00f8rsm\u00e5l om mat<\/span>