Som oftast er eg programleiar i Valle Radio, men i kveld var eg intervjuobjekt. Bj\u00f8rgulv T. Berg hadde lese i Setesd\u00f8len at eg skulle ha informasjonsm\u00f8te om Setesdalswiki i kommunestyresalen p\u00e5 Evje i morgon og meinte at det var p\u00e5 tide at eg snakka om det i den aktuelle timen.<\/p>\n
Eg likar godt \u00e5 snakke om Setesdalswiki, s\u00e5 det var ikkje noko problem, eg fekk om lag like lenge som d\u00e5 eg hadde informasjon om Setesdalswiki for l\u00e6rarane p\u00e5 Valle skule, det vil seie ein halvtime. Eg fortalde om korleis Setesdalswiki kom i stand, og d\u00e5 han spurde om det var min ide, m\u00e5tte eg innr\u00f8mme at det var min ide, men at utgangspunktet var at vi skulle f\u00e5 til ei nettside som kunne binde saman bedrifter i heile Setesdal. I tillegg kunne ein leggje inn informasjon om natur og politikarar og kultur og mykje anna interessant. Setesdalswiki er ikkje ein konkurrent til bedriftene sine eigne nettsider, eg vil heller kalle det eit supplement. Medan bedrifter ofte har eit reklamepreg, skal artiklar p\u00e5 Setesdalswiki vere reklamefrie. Det betyr at teksten m\u00e5 vere objektiv. Tanken er og at den skal kunne st\u00e5 ei stund, ofte vert heimesidetekst bytta ut noks\u00e5 fort.<\/p>\n
Setesdalswiki er den f\u00f8rste regionale wiki der alle kan skrive i Norge. Det finst eit par andre regionale wikiprosjekt, men ein m\u00e5 vere tilsett i NRK for \u00e5 kunne skrive p\u00e5 Sogn og Fjordane fylkesleksikon og p\u00e5 Nordland fylkesleksikon, s\u00e5 det er ikkje ope for kven som helst.<\/p>\n
Eg har no vore med informasjonsm\u00f8te p\u00e5 Setesdalsmuseet, det var for Valle kommune, og i kommunestyresalen i Bygland, det var for Bygland kommune. No st\u00e5r Evje og Hornnes kommune for tur, og til slutt m\u00e5 eg ha eit tilsvarande m\u00f8te i Bykle. Tanken er at dette dugnadsprosjektet skal fungere som lim i Setesdalsregionen, slik at ein med tida l\u00e6rer kvarandre betre \u00e5 kjenne. Til no er det eit bes\u00f8kstal p\u00e5 vel seksti kvar dag, og om lag 850 artiklar.<\/p>\n
I l\u00f8pet av samtalen spurde eg Bj\u00f8rgulv om han visste kva det h\u00f8gaste fjellet i Valle heitte, og han lurte p\u00e5 om det var Svarvarnuten. Eg avleidde saka d\u00e5 han returnerte sp\u00f8rsm\u00e5let og fortalde i staden om det h\u00f8gaste fjellet i Bygland kommune og om korleis eg kom til \u00e5 skrive om det p\u00e5 Setesdalswiki. Det var basert p\u00e5 eit bilete av ein molteblom Reidar Tveito hadde teke p\u00e5 toppen av fjellet i sommar, og s\u00e5 sett biletet inn i Setesd\u00f8len saman med informasjon om Reinnshornheii. P\u00e5 Setesdalswiki er det kart som syner kor fjellet ligg. Grunnen til at eg avleidde han, var at eg vart usikker, og eg har ikkje skrive om det h\u00f8gaste fjellet i Valle. I f\u00f8lge ei liste over dei h\u00f8gaste fjella i kvar kommune i Norge er det Urdalsnuten i Rjuven p\u00e5 grensa til Sirdal som med sine 1434 meter er h\u00f8gast. Men eg har skrive om S\u00e6byggjenuten, som er h\u00f8gaste fjellet i Aust-Agder og ligg i Bykle p\u00e5 grensa til Tokke. Det er oppgitt til 1507 meter i Store Norske Leksikon, men den lista som fortel at Urdalsnuten er h\u00f8gast i Valle, seier at Brandsnuten er h\u00f8gast i Bykle kommune med 1496 meter. S\u00e5 eg veit ikkje heilt kva eg skal tru om dette.<\/p>\n
Takk til Bj\u00f8rgulv som spurte meg med i studio for \u00e5 lufte tankar om Setesdalswiki. <\/p>\n","protected":false},"excerpt":{"rendered":"
Som oftast er eg programleiar i Valle Radio, men i kveld var eg intervjuobjekt. Bj\u00f8rgulv T. Berg hadde lese i Setesd\u00f8len at eg skulle ha informasjonsm\u00f8te om Setesdalswiki i kommunestyresalen p\u00e5 Evje i morgon og meinte at det var p\u00e5 tide at eg snakka om det i den aktuelle timen. Eg likar godt \u00e5 snakke … Les meir om Fr\u00e5 programleiar til intervjuobjekt<\/span>