Lyngtveit (Bykle gnr 11 bnr 3, 6, 7 og 8)
Lyngtveit var eit bureisingsbruk under garden Tveiti på sørsida av Botsvatn i Nordbygdi i Bykle. Knut Olavsson Lyngtveit (f. 1897, d. 1981) og kona Gunhild Ånundsdotter Lyngtveit (f. Tveiten 1902, d. 1995) sette i gang med bureising her fyrst på 1920-talet og rydda og bygde bruket.
Noko før neddemminga av Lyngtveit på andre halvdel av 1970-talet flytta Knut og Gunhild opp til Bykle kyrkjebygd. Tunet og innmarka er borte, men det meste av utmarka er att.
Kjelder
- Aanund Olsnes, Heimar og folk i Bykle, band III, utgjeve av Bykle kommune, 2006, side 250–255