Steinsfjell

Steinsfjell er eit lite fjell rett aust for Evje sentrum. I vesthallet av fjellet, mot sentrum, ligg Trollbakken hoppanlegg. Mot sør ligg den store skytebanen som var hovudarena under Landsskytterstemna på Evje i 1999 og 2009. På toppen av fjellet har Forsvaret ei varslingsmast for skyteøvingar i Evjemoen skyte- og øvingsfelt. Toppen er eit populært turmål. Herfrå er det eit vidt utsyn utover heile den svære sletta som utgjer det militære skyte- og øvingsfeltet.

Under Fennefossfjellet står ein svær stein. Etter gamal folketru var det rysen i Steinsfjellet som kasta steinen etter gygra i Fennefossfjellet utan å nå fram.

Kjelder

Olav O. Uleberg, Kultursoge for Evje og Hornnes, band I, utgjeve av Evje og Hornnes bygdeboknemd, 1990, s. 21