Steinsfjell
Foto: Geir Daasvatn
Steinsfjell er eit lite fjell rett aust for Evje sentrum. I vesthallet av fjellet ligg Trollbakken hoppanlegg. Mot sør ligg den store skytebanen som var hovudarena under Landsskytterstemna på Evje i 1999 og 2009. På toppen av fjellet har Forsvaret ei varslingsmast for skyteøvingar i Evjemoen skyte- og øvingsfelt. Toppen er eit populært turmål. Herfrå er det eit vidt utsyn utover heile den svære sletta som utgjer det militære skyte- og øvingsfeltet.