Fennefoss

Fennefoss er ein gard i Hornnes i Evje og Hornnes kommune, på vestsida av Otra under Fennefossfjellet. Ein reknar med at garden er ein av dei eldste i Hornnes. Hans Nielsen Hauge kom til Fennefoss hausten 1803. Han stod bak utbygging av papirmølle, kornmølle, sagbruk og klesstampe ved Fennefossen; mest ein heil liten industri vart bygd opp der. Haugianaren og stortingsmannen Olav Torgrimson Fennefoss budde på Fennefoss. Ein stor bautastein til minne om han står i hagen framføre Evje og Hornnes museum, Fennefoss.

Kjelder

Olav O. Uleberg, Hornnes I, Gards- og ættesoge, utgjeven av Hornnes bygdesogenemd, 1969, s. 135 flg.
Erik Kjebekk, Misjon og vekking i eit bygdesamfunn, hefte utgjeven av Evje og Hornnes Sogelag, 2002, s. 4 flg.