Valle bru

Valle bru er brua på Riksveg 9 like nord for Valle sentrum. Ho fører riksvegen vidare nordover frå austsida til vestsida av Otra. Så fører Einang bru nokre kilometer lenger nord vegen tilbake til austsida av elva igjen.

Valle bru blei bygd i 1989-1990. Ho er ei bjelkebru, med bjelkar av spennbetong. Ho har både vegbane og gangbru. Lengda er ca 113 meter. Brødrene Reme bygde brua, i samarbeid med Nomeland Anlegg. Brua var del av ei større omlegging av Rv-9, som la riksvegen utanom sjølve Valle-bygda mellom Harstad og Homme. Setesdalsvegen blei to kilometer kortare.

Kjelder

• Reidar Tveito, Riksveg 9 - Bruer og særtrekk langs vegen, utgjeve på eige forlag, Byglandsfjord 2014, side 180