Johannes Daasvand

Johannes Daasvand
Født:	13. januar 1884
Død:	13. juni 1955 (71 år)

Johannes Daasvand (fødd 13. januar 1884, død 13. september 1955) var ein predikant frå Hornnes. Han var fødd på [[Flystveit] i Åseral, men vaks opp i Vollen på Øvre Dåsvatn. Foreldra var Ånon T. Dåsvatn og Siri J. Dåsvatn.

Liv og virke

Etter at han hausten 1903 vart omvend, begynte han å ha små andaktar på møte i Hornnes. I 1905 vart han leiar av den nystarta foreninga for Kinamisjonsforbundet i Hornnes. Same hausten var han med på haustmøtet for organisasjonen i Kristiansand. Utan at han visste det, vart talen hans vurdert med tanke på å tilsette han som predikant i kretsen. Men det vart han ikkje. I staden flytta han til Ganddal og vart predikant i Stavanger krets. I 1913 flytta familien til Trondheim. Han var då gift med Othelie Daasvand, fødd Sandve. Dei hadde fått sonen Arnold Daasvand, som vart fødd i mars 1913.

	I mange år virka Johannes Daasvand no som forkynnar og bibellærar særleg i Stavanger og Trondheim. Men leiinga i Kinamisjonsforbundet brukte han også kring i heile landet. Og det er ikkje for mykje sagt at han blei sett på som ein av dei dyktigaste forkynnarane Kinamisjonsforbundet hadde i fyrste halvdel av 1900-talet.
– Erik Kjebekk

	I 1931 busette Johannes Daasvand seg med huslyden sin på Mønnesland ved Mandal der dei hadde kjøpt gard. No vart han meir knytta til heimekrinsen. Mange gledde seg over det.
– Erik Kjebekk

	I 1943 fekk Daasvand ansvaret for bibelkursa som då blei sette i gang på Drottningborg. Der var han til 1947 då han og kona Othelia kjøpte seg hus på Strai. Han døydde i heimen i 1955. Johannes og Othelia er gravlagde på Oddernes kyrkjegard
– Erik Kjebekk

Bibliografi

Johannes Daasvand var ein av utgjevarane av bladet Evangelisten nesten heilt frå starten av i 1912. I 1916 trekte han seg som utgjevar, men heldt fram med å skrive i bladet så lenge han levde.

• Under Ordets lyskaster, 1921
• Daapen fri, 1922
• Bygg på berg, 1929
• Naade og ansvar 1925
• Fast grunn 1941
• Frigjøringen i Kristus 1949
• I sjelevinner-tjenesten 1954

Kjelder

• Oscar Handeland: Kristenliv på Agder, side 390–400
• Erik Kjebekk: Alle sitata er frå Gløtt frå forkynnarverksemda til honndølen Johannes Daasvand
• Olav O. Uleberg: Hornnes I, Gards- og ættesoge, 1969, side 298–299

Sjå også

• Utdjupande artikkel om Johannes Daasvand av Ove Sandvik.