Gåseflåfjorden

Gåseflåfjorden sett nordover frå Gåseflådammen.

Foto: Geir Daasvatn

Gåseflåfjorden er ein liten innsjø og oppdemd inntaksmagasin for Iveland kraftverk i Otra, sør-aust for Kilefjorden. Tillatt reguleringshøgde er mellom 167,30 (HRV) og 163,30 (LRV), totalt fire meter. Nord for Gåseflåfjorden ligg Øyna og Øynavatnet i Iveland. Områda sør for fjorden høyrer til Hægeland i Vennesla.

Før oppdemminga av Gåseflåfjorden på byrjinga av 1950-talet var det ein høgdeskilnad på omlag 11 meter mellom Kilefjorden og Gåseflåfjorden. Vatnet frå Kilefjorden rann ned i Gåseflåfjorden gjennom fossefallet Soga ved Kile. I dag gjer oppdemminga at heile strekninga frå Gåseflådammen i sørenden av Gåseflåfjorden til Fennefossen i Evje og Hornnes kan reknast som eitt vannspeil.

Nasjonal Sykkelrute nr. 3 følger vestsida av fjorden frå Gåseflådammen nordover til Kile.

Kjelder

• Søknad dagsett 6. mars 2015 frå Agder Energi Vannkraft AS til NVE om å tappe ned Gåseflåfjorden i samband med kanaliseringsarbeider i Dalanekilen
• Salve Øina, Noke frå indre Agder, 2014, s. 7

Eksterne lenker

• Geir Daasvatn sine bilete frå Gåseflåfjorden på Flickr