Sjå kjelda til Kvinen turiststasjon

'''Kvinen turiststasjon''' er ei turisthytte på [[Kvinen]] ved nordre enden av [[Kvifjorden]], 720 moh., aust for [[Tjørhom]] i [[Sirdal]]. Den gamle turisthytta som var bygd i 1970 blei riven hausten 2017. På same staden er det bygd to nye hytter. Ei mindre sikringshytte med 10 sengeplassar kom i 2017, og hovudhytta i 2018. Totalt er det nå 40 sengeplassar. Hovudhytta opna vinteren 2019. 

Lettaste tilkomet er frå enden av bilveg ved [[Donsen]] aust for Tjørhom. Derfrå er det om lag to timar å gå til Kvinen. Rett ved Kvinen turiststasjon ligg den spesielle [[Kvibru|Kvibrua]]. 

== Historie == 
Det har vore turiststasjon på Kvinen gard sidan 1901. Då var stasjonen på sjølve garden. Ny hytta blei bygd i 1970 av [[Einar Kvinen]]. Einar hadde drive turiststasjonen på garden etter foreldrene [[Gunhild Kvinen]] og [[Atlak Kvinen]], men måtte gje opp dette då Kvifjorden blei demd opp i samband med kraftutbygging mot slutten av 1960-talet. I staden bygde han altså ei ny turisthytte om lag 300 meter frå det gamle gardstunet.  

Hytta blei driven etter mønster av hyttene til Turistforeninga, og gjekk inn i Turistforeninga sitt løypenett. I 2007 blei stasjonen seld til KOT, det som no er [[DNT Sør]]. Hytta var sjølvbetjent. Ho hadde 37 sengeplassar. 

== Kjelder ==
*[[Harald Flå]], ''[[Vandringer i Setesdal Vesthei]]'', Friluftsforlaget, 2008, side 54-55
*[https://www.ut.no/hytte/3.2086/ Om Kvinen turisthytte på UT.no]
*[https://www.norgeskart.no/?_ga=2.77485846.267073201.1547285664-1869720639.1547285664#!?project=seeiendom&layers=1002,1015&zoom=9&lat=6555392.80&lon=53013.67&markerLat=6553622.621671158&markerLon=42975.02867595992&panel=searchOptionsPanel&sok=Kvinen&showSelection=false Norgeskart.no]

== Kart ==
{{#display_map: 58.87811506345204,7.060147942637286~Kvinen Sirdal}}

[[Kategori:Turisthytter]]
[[Kategori:Bygninger i Sirdal]]